Poesia Topaketak, 2012, Koldo Mitxelena Kulturunean

Koldo Mitxelena Kulturgunea

Koldo Mitxelena Kulturuneak eta Irungo Kabigorri Elkarteak elkarren segidako bosgarren urtez antolatzen dituzte Poesia Topaketak, Hitza badugu leloaren pean.

Topaketek zuzenean hurbildu nahi diete poesia entzuleei, eta lau saio desberdin eskaintzen dituzte, euskarazko eta gaztelaniazko proposamenak bateratuta: bi euskaraz, eta beste bi gaztelaniaz.

Errezitaldi guztiak Koldo Mitxelena Kulturuneko ekitaldi aretoan izango dira, arratseko 19:30ean hasita.

Otsailaren 14an, asteartea, Leire Bilbaok Scanner izeneko bere bigarren poema-liburuaren errezitaldia emango du, euskaraz, Domentx Ucin biolin-jotzailea lagun duela.

Asteazkenean, otsailak 15, bi poema-liburutan oinarritutako errezitaldia aurkeztuko da: Orain badakit, Tere Irastortzarena, eta, Itsaso Kontra bat, Karmele Igartuarena (Aretxabaletako poeta, 2010ean hila). Hitzak ez ezik –Tere Irastortzak berak eta Itziar Gomezek irakurriko dituzte–, argazkiak ere aurkeztuko dira –Izaskun Etxeberriak Igartuaren Itsaso Kontra bat libururako egindakoak–, eta jatorrizko musika ere joko da –Aitor Furundarenak eta Iñaki Telleriak libururako konposaturikoa–.

Ostegunean, otsailak 16, Kabigorriko lagunak: Javi Sistiaga (errezitatzailea), Esther Barandiarán (pianoa), Raffaela Acella (biolina) y Ian Swedlund (biolontxeloa). La Noche Roja errezitaldia aurkeztuko dute, olerkari hauen poesietan oinarrituta: Anna Ajmatova, Borís Pasternark, Ósip Mandelshtam eta Marina Tsvetaeva. Poeta horiek guztiak sobietar zentsuraren eta errepresioaren pean aritu ziren sorkuntzan. Errezitaldiari lagunduko dion musika, bizi izan zuten garaiarekin bat etorrita, Dmitri Shostakovichena izango da.

Errezitaldi sailaren itxiera Kabigorriko lagunek berek egingo dute, ostiralean, otsailak 17: musikaren historiako opera-ariarik ederrenetako batzuetan oinarritutako poesia errezitaldia.

Sarrera dohainik izango da: jarleku kopurua bete arte.